Најпознатиот музички канал го забранил спотот Girl Gone Wild за помладите од 18 години.

Само неколку дена по објавувањето на спотот за песната Girl Gone Wild, видеото на Мадона доби забрана од страна на уредничката политика на сајтот YouTube. Имено, во спотот на пејачката ќе можат да уживаат само регистрираните полнолетни корисници.

На кралицата на поп музиката ова ни малку не и се допаднало и веднаш јавно се огласила и ја прокоментирала оваа одлука на сајтот.

„Некои работи никогаш не се менуваат. Ова е исто кога во 1990 година на MTV одбија да го емитуваат спотот за песната Justify My Love.“

„YouTube одлучил дека спото Girl Gone Wild содржи премногу сексуални конотации и дека не е соодветен за малолетници. YouTube исто така испрати список на кадри кои треба да се исечат од спотот ако пејачката сака забраната да се укине“, откри извор близок на Мадона.