Кралицата на поп музиката Мадона го објави долгоочекуваниот провокативен спот за песната Girl Gone Wild од новиот албум MDNA.

Спотот предизвика бурни расправи на Твитер и ги подели фановите на Мадона.

„Велите дека Мадона ја украла идејата за снимањето на спотот Girl Gone Wild од спотот за песната Alejandro, но таа всушност има преземено од спотовите за песните Express Yourself и Human Nature. Мадона краде од себе“, напишал еден корисник на Твитер.

Мадона во спотот се појавува во црн латекс, врзана за ланци додека полуголи мажи на потпетици танцуваат околу неа. Дали на кралицата на поп музиката како инспирација за споменатото видео и послужил спотот на Лејди Гага за песната Alejandro како што тврдат некои, или едноставно се копирала самата себе, ќе оставиме вие сами да пресудите.

Но, едно е јасно: Мадона повторно успеа да предизвика бурни реакции!

Погледнете го контроверзното видео.