Чудните навики на Карл Лагерфелд се главна вест во модата – освен што никогаш не бил во супермаркет, “Harper's Bazaar” откри уште неколку чудни навики...

Кралот на модниот свет и главен дизајнер на “Шанел” опишал како изгледа еден негов ден.

“Секогаш спијам по седум часа. Ако одам во кревет во два, се будам во девет. Ако легнувам на полноќ, се будам во седум. Не се будам пред тоа - куќата може да се урне, но јас ќе спијам седум часа", открил тој.

Карл спие во специјално изработени долги поткошули инспирирани од машката облека за спиење од 17-ти век. "Не се преоблекувам и не се мијам претпладне бидејќи секое утро цртам во пижами. Тоа е многу неуредна работа, па кога ќе завршам сѐ фрлам за перење. Постелнината ми ја менуваат секој ден како и облеката во која спијам. Сакам сè да може да се пере", додава тој.

Карл вели дека единствениот пијалак кој го консумира е диетална кока-кола. Toj признал дека косата ја фарба во бело затоа што неговата природно сива боја, не му се допаѓа.

Дизајнерот поседува две куќи, една до друга. "Во едната спијам и цртам, а во другата организирам вечери и забави", додава тој.