Поранешниот сопруг на Витни Хјустон напишал сценарио за својот бурен живот и брак со одненадеж починатата пејачка, а сега бара продуценти кои би снимале филм во кој планира и самиот да глуми.

Боби Браун веќе извесно време се обидува да го продаде сценариото за својот живот The Bad Boy of R&B: The Bobby Brown Story, а изненадната смрт на Витни Хјустон го поттикнала малку да ја промени приказната.

Боби со директорот на њујоршката продукциска куќа Black Noise Media, Мајкл Пикни, го менува предлогот и во него ја додава трагичната смрт на неговата поранешна сопруга.

„Сценариото го напишавме во декември и тоа зборува за нивниот живот и брак. Сега ќе го промениме крајот и ќе го понудиме на продуценти“, кратко рече Пикни.