Во првото интервју кое го даде по смртта на својата мајка, 19-годишната Боби Кристина, ќерка на неодамна починатата пејачка Витни Хјустон, на познатата водителка Опра Винфри и рече...

"Тaа е секогаш со мене. Нејзиниот дух е силен и го чувствувам како поминува низ мене постојано". Боби рекла дека во најтешките моменти по смртта на нејзината мајка, најмногу и помогнале семејството и Бог. Вели дека сé уште во својата глава го слуша гласот на својата мајка, како и вели: "Душо, продолжи понатаму, тука сум, те држам".

Таа опишала и како изгледале нејзините последни мигови со мајка и.

Ден пред смртта на Витни, Боби ја замолила мајка си да биде покрај неа: "Спиев во нејзините прегратки цел ден и цела ноќ". 

Таа рекла дека нејзината мајка и била сé и дека Витни не и била само мајка, туку и најдобра пријателка. Боби исто така тврди дека она што другите го кажуваат за нејзината мајка, сé она што е лошо, не е точно, бидејќи само нејзиното семејство и пријателите знаеле каква е навистина.

Покрај Боби Кристина, пред Опра за Витни зборувале и нејзината менаџерка и снаа Патриша Хјустон и нејзиниот брат Гери Хјустон.