Рокерот Ози Озборн и неговото семејство се враќаат на малите екрани, но со анимирано реалити во кое на своите „колеги“ ќе им ги позајмат гласовите.

По седум години пауза светот повторно ќе може да ѕирне во животот на контроверзното семејство, а се што ќе им се случува ќе биде прикажано во анимирана форма. Анимираното реалити „Е**ните Озборнови“, кое во првата сезона ќе има 20 епизоди, ќе биде емитирано од април.

Фронтменот на бендот Black Sabbath, неговата жена Шерон и нивните две деца Кели и Џек прв пат вратата на својата куќа им ја отворија на камерите од телевизијата MTV која ги следеше до 2002 до 2005 година.

Нивното реалити беше едно од првите од тој тип, а имаше голем одек во јавноста затоа што Ози и неговото семејство се сè освен обични.