Актерката го крие стомакот, а папраците ја фотографирале додека во рацете носела снимка од ултразвук.

Дру Баримур (36) неодамна објави дека ќе се омажи за уметничкиот агент Вил Копелман (34), со кој е во врска околу година дена. Парот на интернет ја постави „официјалнта“ свршеничка фотка, а изгледа дека во рамката ќе им се придружи и бебето од ултразвукот.

Американските таблоиди пренесуваат дека Дру ја посетила клиниката на Беверли Хилс во која ќе ја одржува бременоста, а на неколку јавни настани се појави во удобна гардероба, со која можеби го криела бременото стомаче.

Дру по трет пат ќе го изговори судбоносното „да“, а доколку е бремена, ова ќе и биде прво дете.