Пејачката се породила во понеделникот вечерта и го родила синот Александар...

Северина и нејзиниот вереник, српскиот бизнисмен Милан Попович во понеделникот вечер станаа родители на момче на кое му го дале името Александар.

Пејачката се породила нешто покасно од 23 часот во Сплит, а нејзиниот менаџер, Томица Петрович, рекол дека мајката и бебето се чувствуваат добро.

Фановите на популарната хрватска поп ѕвезда се веќе огласија по пат на социјалните мрежи Твитер и Фејсбук и им честитаат на новопечените родители.

"Од почетокот на бременоста претчувствувам дека носам момче, затоа и не се изненадив кога тоа ми го потврдија", рекла тогаш Северина.

Нејзината среќа сигурно ја дели и нејзиниот вереник Милан Поповиќ со кој е во врска нешто повеќе од една година. Иако малку за него се знаеше, Милан сега има зголемен публицитет во јавноста.

Да се потсетиме, својот принц на бел коњ популарната Северина го дочекала пред повеќе од една година. "Кралот на бакарот" и пејачката за прв пат се запознале на неговиот роденден, каде таа пеела, и покасно признала дека се вљубила во него на прв поглед.

"Прво ме облеа сончева светлина затоа што е згоден. А подоцна кога дознав дека знае да свири гитара, дека ми ги знае сите омилени песни - а не е музичар, дека управува со авион - а не е професионален пилот, дека знае да управува со брод - а не е морнар...бев готова. Кога прв пат разговаравме, и тој и јас почувствувавме се", ја опишала нивната прва средба популарната пејачка.

Северина за време на бременоста била многу зафатена, бидејќи со "Бред Пит", снимила спот и за новата песна "Град без луѓе".