На семејството на Витни му било соопштено дека пејачката починала од комбинација на психоактивни лекови и алкохол...

Витни испила "ксанакс" како и други препишани лекови во комбинација со поголема доза на алкохол, тоа им го соопштиле на семејството по обдукцијата.

Во нејзините бели дробови е пронајдена помала количина вода, но тоа не укажува на давење во када, како што навеле првенствено како причина за смртта.

"Обдукцијата е совршена и се чекаат резултатите од токсиколошките анализи", рекол лекарот Ед Винтер и додал дека тоа би можело да потрае 8 недели.

"Знам дека постои извештај дека Витни Хјустон почина од давење или предозирање, но тие наводи не би ги коментирал до токсиколошките анализи".

Американските медиуми од утрото пренесуваат дека Витни Хјустон се удавила во када, под влијание на лекови и алкохол, заспала во кадата од хотелската соба.

Во собата на хотелот "Hilton" во Беверли Хилс, пронајдени се шест шишиња со таблети, меѓу кој бил и "ксанакс".

Единствената ќерка на Витни Хјустон и Боби Браун, Боби Кристина Браун (18) итно во саботата била префрлена во болница во Лос Анџелес, бидејќи доживеала нервен слом откако и било соопштено дека нејзината мајка е пронајдена мртва.