Очигледно е дека разводот со Ештон Качер и целата „папарацо хајка“ после тоа, на славната актерка и го отежнија ни малку лесниот период од животот, па им се препушти на пороците, а оваа недела се пријавила во центарот за одвикнување.
Деми Мур, иако останува без филмски улоги, моментално е најбарана холивудска актерка, кога се медиумите во прашање, па така целиот свет можеше да чуе дека пушела нешто што не е дури ни марихуана, поради што завршила во болница.
По неколку дена поминати во болница, Деми одлучила да го доведе својот живот во ред. Првата станица, се разбира, е центарот за одвикнување од алкохол и дрога во Санденс.
Cirque Lodge центарот е омиленото место за рехабилитација на богатите и славните, а пред Деми во овој центар, помеѓу другите, беа и Линдзи Лохан и Ева Мендез.
Актерката веќе долго време има проблем со анорексијата, а според пишувањето на американските медиуми има и проблем со лековите и лесни дроги... Во центарот за одвикнување од сето тоа би требало да остане месец дена.
