Ноќта кога Деми Мур колабирала и завршила во болница била уште пострашна отколку што се мислело. Извор близок на 49 годишната актерка откри дека Деми била на работ на смртта.

„Сите мислеа дека ќе умре“, рече изворот за Us Weekly.

По повеќемесечното самоуништување, журкање и конзумирање дрога со што се обидуваше да го преболи разводот од 33 годишниот Ештон Качер, Деми Мур речиси го изгуби животот.

Како што пренесуваат американските медиуми, актерката веќе со години е опседната со својот младолик изглед и желбата да биде што послаба.

Била многу потиштена. Се опкружила со млади луѓе со кои се чувствувала подобро. Меѓу другото, мешала таблети и Ред Бул - изјави пријателот.

Мур во еден момент дури и претерала со својата блискост со помладите луѓе, па наводно му се пуштала на пријателот на својата ќерка Румер Вилис, актерот Зек Ефрон, кој е девет години помлад од Качер.

„Го тормозеше на забавата во Лос Анџелес. Делуваше целосно изгубена и очајна“, рече сведокот.