Најпознатата старлета на светот почна да работи на вториот студиски албум на кој, тврди таа, ќе има дует со еден од најпопуларните рапери.

Иако на сите им се чинеше дека Парис се откажа од музичката кариера, таа вели дека почнала со снимање на новиот албум, а Снуп Дог е само еден од познатите музичари со кои наследничката на ланец хотели планира да сними дует.

„Би требало наредните неколку месеци да го држам јазикот зад забите, но на албумот ќе има одлични соработувачи. Со LMFAO веќе го завршив синглот, а за наредната песна во студиото ќе ме чека никој друг, туку лично Снуп Дог“, изјави Парис.

Својот прв албум Paris го издаде во 2006 година со не толку голем успех, а критиката и замери - лошо пеење и глупави песнички. Новиот албум би требало да биде објавен кон средината на летото.