Француската актерка и пејачка одрече дека се разделува од Џони Деп...

Ванеса Парадис е на мета на жолтиот печат веќе со недели, затоа што таблоидите пренесоа дека нејзината врска со „пиратот од Карибите“ е готова по речиси 15 години и две деца. Меѓутоа, гостувајќи во една француска телевизија, Ванеса рече дека тоа се лаги кои веќе и здодеале.

„Постојано сме во медиумите и што и да направиме - не критикуваат. Ако изедам нешто, веднаш сум бремена. Ако престојувам во некој град - излегува дека таму купуваме куќа. Обично не реагираме на озборувања, но ваквите приказни можат да им наштетат на нашите деца“, рече Парадис во емисијата Le Grand Journal.

Водителот Марк Денисо потоа директно ја праша - дали е лага дека се разделува од Деп?

„Да, лага е. Се разбира дека е лага“, рече Парадис.

Парот е во врска 14 години и има две деца, дванаесетгодишната Лили Роуз и деветгодишниот Џек.