Уште откако во 2008 година се појави на музичката сцена, Лејди Гага често ја споредуваат со поп-кралицата Мадона.

Кога се појави песната на Лејди Гага Born This Way, сите забележаа колку е слична на Express Yourself на Мадона, а некои дури споменуваа и плагијат. Мадона никогаш не се изјасни дали таа го смета тоа за плагијат, но сега одлучи да порговори.

Во интервју кое го направи со новинарката Синтија Мек Фејден, Мадона изјави дека песната Born This Way и звучела познато кога првпат ја слушнала. Но, Мадона дури и ја пофали 25 годишната Гага.

„Таа е многу талентиран уметник“, рече Мадона. 53 годишната ѕвезда смета дека Гага не ја копира, туку само се угледува на нејзиното дело.

„Секако, мислам дека малку ме имитира во своето дело. Понекогаш мислам дека тоа е забавно и ми ласка. Нејзината песна ми се чини како да зела нешто од пред дваесет години, го свртела наопаку и го реинтерпетирала“, рече Мадона и додаде: „Тоа може да се гледа на многу начини, мене не ми смета што ме копира. Мило ми е што и служам за пример.“

Лејди Гага од самиот почеток на својата кариера изрази воодушевување кон кралицата на попот, нарекувајќи ја поп икона и своја инспирација. Споредбите меѓу нив две се неизбежни, од кореографски движења, слични играња со сексипилот и религијата до видео спотовите.