По повеќедневните нагаѓања, познато е кои „разлики“ ги довеле до развод Кети Пери и Расел Бренд по само 14 месеци брак - таа не сакала бебе затоа што сакала уште малку да се журка со Ријана.

Иако британските медиуми пишуваа дека причините се религиозните разлики и неверството на Расел (36), ништо од тоа не е точно. Главната причина е тоа што Расел сакал да основа семејство, додека на Кети (27) уште и било рано за деца затоа што сакала уште малку да се журка.

Се разбира, до проблеми дошло и поради раздвоеност, а кавгата пред Божиќ само ги забрзала работите. Кети наводно ја извадила бурмата и ги фрлила сите подароци од Расел, а актерот веднаш се спакувал и заминал засекогаш.

Сепак, Расел вели дека и понатаму ја сака својата поранешна сопруга и се согласил тој да биде тој кој ќе го поднесе разводот за нејзините родители, кои се многу религиозни, да не бидат повредени.

Според британските таблоиди, Расел на Кети и замерил што поминувала премногу време на журки со Ријана, која актерот ја смета за „многу лошо друштво“. Меѓутоа, „лошата другарка“ ја повикала Кети да и се придружи на Барбадос и барем малку да престане да мисли на лоши работи...