Холивудскиот актер Мел Гибсон на својата поранешна сопруга ќе и исплати половина од своето богатство, односно 425 милиони долари...

55 годишниот Гибсон и поранешната сопруга Робин никогаш не потпишале предбрачен договор и таа според калифорнискиот закон има право на половина од богатството на Гибсон. Во брак биле 31 година и имаат 7 деца.

51 годишната Робин побарала развод во 2009 година поради аферата на Гибсон со русинката Оксана Григориева, со која има двегодишна ќерка Лусија.

Три години подоцна, разделувањето на една од најдолготрајните двојки во Холивуд го доби својот епилог.

Исто така, парот ќе ги подели и различните надоместоци за филмови кои Мел ги снимил додека биле во брак, а кои сеуште не му се платени.

Крајниот развод на Мел и Робин Гибсон е официјално на врвот на најскапи разводи во Холивуд.

Досега првото место го држел кошаркарот Мајкл Џордан кој минатата година на својата жена и исплатил повеќе од 150 милиони долари отштета.