Јужноафриканската актерка Шарлиз Терон изјави дека овој Божиќ сака само да се одмори, затоа што цела година напорно работела.

Една од најубавите жени во светот, актерката Шарлиз Терон, изјави за американските медиуми дека е преморена и дека овие празници сака да се одмори.

Шарлиз оваа година сними дури три филма и тоа целосно ја исцрпило.

„Очајна сум, единствено нешто што сакам е да се наспијам. Мојот живот последните месеци е во тотален хаос“, рече и додаде: „Сакам да се наспијам како што треба, да се одморам, да отпатувам некаде, да запознаам некоја нова култура и да си направам голема чинија со вкусни тестенини, да повикам десетина луѓе на вечера, па до три наутро да уживам во храната и да пијам вино со добар разговор. Тоа се моментите кои ми недостигаат“, изјави убавата Шарлиз.