Славната пејачка во еден хотел во Лисабон била навредена од непознат маж на расна основа...

Ријана на својот Твитер профил напишала дека во хотел го сретнала „најголемиот и најлошиот расист на светот“, кој не само што ја навредувал неа, туку и изрекол низа навреди на сметка на девојките со темна кожа.

„Штотуку го сретнав најголемиот расист на светот. Човекот ги изнесе најголемите глупости за црнкињите. Рече дека сме кучки, ку*ви и дека изгледаме ужасно“, напишала пејачката која не му останала должна.

„Кога почна да ме навредува, црнкињата во мене се разбуди, ми се појави акцентот од Барбадос и му вратив со иста мерка“, напишала Ријана на Твитер.

Ријана моментално е на светска турнеја со која го промовира својот нов албум Talk That Talk, а денеска, утре и во четврток ќе одржи концерт во распродадената лондонска „О2“ арена.