Познатата актерка изгледа конечно ја оствари желбата да стане мајка.

Блиски пријатели на Џенифер Анистон потврдија дека актерката уште пред два месеци престанала да пуши и да конзумира алкохол, што е прв знак на бременост, а сега веќе, се разбира, се наѕира и стомаче.

Според американските медиуми, актерот и сценарист Џастин Теро и Џенифер се пресреќни што ќе станат родители.

Портпаролите на славната актерка до сега сите вакви вести веднаш ги демантираа, но сега молчат, затоа што, наводно, Џенифер чека да наполни три месеци бременост, па стомачето да му го покаже на светот.

Славната актерка по разводот со Бред Пит немаше баш среќа во љубовта, но често изјавуваше дека мајчинството е една од нејзините најголеми желби.