Актерката Анџелина Џоли во јануарското издание на списанието Marie Claire призна дека сериозно размислува за проширување на семејството.

Иако со актерот Бред Пит веќе има шест деца, од кои три се посвоени, убавата Анџелина размислува за ново проширување на своето семејство.

„Ништо не сме планирале, но кој знае. Би можела да завршам бремена“, откри Енџи. Актерката исто така откри колку многу и значи Бред.

„Многу сум благодарна што имам такво семејство, навистина не би можела без него. Го проширив својот живот на начини кои не можев да ги замислам. Заедно изградивме семејство. Тој не е само љубовта на мојот живот, тој е и моето семејство и тоа многу ми значи“, откри таа.

Славниот пар неодамна се појави на премиерата на нејзното режисерско деби „Во земјата на крвта и медот“, на која се дружеше со неговите родители.