Британската пејачка Адел е прогласена за артист на 2011 година по изборот на музичкото списание Billboard.
Адел е прва на листата изведувачи оваа година, а ја следат Ријана, Кети Пери, Лејди Гага и Лил Вејн. Листата на Billboard е составена врз основа на продажбата на албуми, пласманот на песни и топ листи и радио емитувања.
Меѓу десетте најдобри се најдоа и Бруно Марс, Ники Минаж, Тејлор Свифт, Џастин Бибер и Крис Браун.
Албумот на Адел „21“ е најпродаван оваа година, со 4,8 милиони продадени копии, а песната Rolling In The Deep е прогласена за најпопуларна песна на годината.
