Американка тврди дека телохранителите на "пиратот од Карибите" ја собориле на подот и и нанеле полесни телесни повреди...
Робин Екер (52) се почестила себе и својот сопруг со карти за концертот на Иги Поп во Паладиум во Лос Анџелес, која чини по 600 долари. На концертот присуствувал и Џони Деп, кој седел со своето друштво и телохранителите.
Екер во тужбата навела дека одлично си поминувала, и дека "играла како луда", и за време на играењето случајно се приближила до масата на Деп. Телохранителите веднаш скокнале врз неа.
"Тие скокнаа врз мене како да сум наоружен криминалец, ме соборија на подот пред сите", навела Екер.
Полицијата на Лос Анџелес соопшти дека ја истражува нејзината жалба, но и дека Екер била премногу пијана, кога дошла во станица да го тужи Деп, па целиот случај е под голем знак прашалник.
