Списанието In Touch Weekly пишува дека холивудската актерка го изневерила сопругот со колегата Бен Холингсворт.

Откако „пукна срамот“ дека Ештон Качер ја изневерил Деми Мур (48), американскиот таблоид In Touch Weekly пишува дека ни Деми не е невина - таа, наводно, имала кратка афера со канадскиот актер Бен Холингсворт, пријател на Качер, кој од неа е помлад 21 година.

Иако „неименуваниот извор близок на актерката“ кој дал интервју за списанието не прецизира кога се случила таа наводна афера, тој открива дека Деми Мур и Бен Холингсворт се запознале пред неколку месеци, кога тој се преселил од Канада во Лос Анџелес, а Деми му обезбедила улога во серијата The Beautiful Life која ја продуцирал Ештон Качер.

„Деми и Бен по една журка завршиле на задното седиште од автомобилот, водејќи љубов“, рече неименуваниот извор близок на актерката за таблоидот.