R&B дивата која е во четвртиот месец од бременоста, очекува девојче...

"Бијонсе беше воодушевена кога дозна дека ќе роди девојче", изјавиле пријателите на познатата пејачка за магазинот "In Touch Weekly".

Извор близок до познатиот пар го откри следното: "Бијонсе е воодушевена поради многу причини, а посебно затоа што таа и нејзината мајка имаат одличен однос и се многу блиски. Бијонси би сакала и таа со нејзината ќерка да има таква блиска врска".

Пејачката и пред да дознае кој пол е бебето почнала да купува работи за новороденчиња, со неутрални бои, но сега од кога дознала, ја вклучила розова и виолетова боја.

"Таа купува во толкави количини што нејзините се плашат дека ништо нема да преостане тие да купат, кога бебето ќе се роди", додава изворот.

Пејачката неодамна изјави дека не се плаши од мајчинството затоа што и "се случува во вистинско време", и дека гласините за лажната бременост воопшто не и се важни.