Организацијата која се бори против насилството над жените ја обвини Ријана за „понижување на женскиот род“ во спотот за песната We Found Love...

Најновиот спот на Ријана за песната We Found Love е на мета на напади од американските организации за женски права. Во спотот се прикажува употреба на дрога, секс и насилство, поради што организациите кои се борат против насилството над жените ја обвинуваат пејачката за создавање негативна слика за жените.

„Новиот спот на Ријана е срамота, праќа порака дека таа е објект кој мажот го поседува, а тоа е токму она што го доживуваат вистинските жртви на насилство“, рече Елен Кели од Центарот за помош на жртвите на силување.

Ова не е прв пат Ријана да се најде на мета на некое здружение - прво советот на родители ја обвини за „перверзниот настап“ на доделувањето на Billboard наградите, потоа за поттикнување на насилство во спотот за песната Man Down во кој го убива мажот кој ја силувал, а сега и поради создавање негативни слики за жената.