Робин Вилијамс на 60 годишна возраст по трети пат го рекол судбоносното "да" и ветил вечна љубов на својата избраничка Сузан Шнајдер...

Актерот и дизајнерката се венчале на приватна церемонија во Света Елена, Калифорнија, а меѓу гостите биле и славните имиња како што се Стивен Спилберг, Џорџ Лукас, Били Кристал и други.

Сузан и Робин се во врска две години, а се запознале набрзо откако бил на операција на срцето во март 2009 година. Таа му помогнала да закрепне, го негувала и се грижела за него, а попат и се вљубиле.

Робин порано бил во брак со Валерија Веларди, со која го има најстариот син Зак, а од другата сопруга, Марша, се развеле во 2008 година по 19 годишен брак. Со Марша има две деца, 22 годишна ќерка Зелда и 19 годишен син Коди.