Aнџелина Џоли и нејзиниот татко, оскаровецот Џон Војт не зборуваа речиси цела деценија. Но, работите се промениле неодамна...

Таткото на познатата актерка речиси десет години беше скаран со својата ќерка, но неодамна откри дека се помирил со неа по „момент на емоционално освестување“.

Холивудската ѕвезда за прв пат прозборе за тоа како го променил својот став во еден момент и дека сега живее за своето семејство.

Меѓутоа, до скоро не беше сè баш така идилично. Уште во 2002 година Војт (72) ја обвини Анџелина дека има „сериозни ментални проблеми“, а таа му врати дека имал афера зад грбот на нејзината мајка.

По кавгата со јавни обвинувања, таткото и ќерката прекинаа секаков контакт, а се помирија минатата година во Венеција под влијание на Бред Пит. Акерот вели дека кавгите се сега зад нив и дека се чувствува близок со своите внуци.

„Го променив мислењето за момент, одеднаш сè гледав со други очи. Тој еден момент ми го промени целиот живот. Ми ја врати назад ќерка ми и моето семејство. Да бидам повторно со Енџи за мене е благослов“, изјави актерот.

Тој уште додаде дека дури сега дознал колкава радост е да биде со своите внуци и дека тие го прават подобра личност.

„Кога ќерка ми ме гледа со нив, вели дека гледа некаква друга енергија во мене. Секогаш се смеам и апсолутно сум среќе со нив. А поради тоа и Анџелина е среќна“, додаде Војт.