Членовите на бендот Black Eyed Peas наводно планираат да ја известат јавноста и своите фанови дека се распаѓаат...

Бендот наводно ќе даде соопштение за јавноста после настапот на 8 октомври на концертот „Мајкл засекогаш“ во Велс.

Овој четиричлен бенд, откако направи малку подолга пауза во јули, минатиот месец потврди дека ќе настапи на концертот во чест на кралот на попот, како и дека ќе одржи хуманитарен концерт во Њујорк.

Неименуван извор изјави за британскиот Mirror дека концертот кој бендот ќе го одржи во сабота ќе биде еден од последните заеднички настапи.

Еден од членовите на бендот неодамна ги демантираше гласините за распаѓање на групата, кои почнаа да кружат откако раперот Кание Вест за време на еден настап во Њујорк рече: „Почивај во мир, Black Eyed Peas. Ќе исчезнеш.“