Мајкл Џексон "својот живот го ставил во рацете" д-р Конрад Муреј и тоа погрешно доверување го чинел животот, рекол во вторникот тужителот Дејвид Валгрин на почетокот на расправата во постапката против лекарот на поп ѕвездата на Врховниот суд во Лос Анџелес...
Процесот треба да ги расветли последните часови на Мајкл и улогата на д-р Муреј обвинет е дека му препишал лек кој ја предизвикал неговата смрт во јуни 2009 година.
Судбината на д-р Муреј, обвинет за ненамерно убиство, зависи од поротата од 12 членови - седум мажи и пет жени помеѓу 32 и 57 години, од кои половина признале дека биле приврзаници на Мајкл Џексон.
Ако биде осуден, лекарот би можел да биде казнет со четири години затвор. Кралот на попот умре на 25 јуни 2009 година од прекумерена доза на лекови поради тешко труење со пропофол, силен анестетик кој го земал како средство за спиење.
