Иако пишува автобиографија, „терминаторот“ сепак нема да ги открие сите сочни детали од својот живот...

Поранешниот гувернер на Калифорнија и актер, Арнолд Шварценегер пишува автобиографија во која ќе раскаже за раскинувањето со сопругата Марија Шривер, но и детството во Австрија и кариерата на бодибилдер, акциона ѕвезда и политичар.

Шварценегер на книгата, чиј работен наслов е „Тотално отповикување: Мојата неверојатна вистинска животна приказна“, ќе работи за време на снимањето на филмот „Платеници 2“ со Силвестер Сталоне.

„Веќе повеќе од година дена прави белешки и работи на книгата“, рече портпаролот на актерот и додаде дека Шварценегер не сакал да ја објави биографијата додека бил гувернер.

Портпаролот не сакал да ги коментира анонимните извори на американските медиуми кои тврдат дека Арнолд во книгата нема да биде целосно искрен, посебно кога станува збор за бракот и разводот.

„Книгата нема да открие баш сè, посебно ‘најсочните’ детали од приватниот живот. Арнолд сепак ќе ги скрие од јавноста“, рече еден извор близок на Шварценегер.