Лејди Гага сакаше да ја бакне Бритни, непозната личност се обиде да се качи на бината, а најмногу награди добија Кети Пери и Адел...
Пери од бината замина со три MTV награди за спотови, и тоа за спот на годината за Firework, и спот со најдобри специјални ефекти и најдобар дует за песната E.T. со Кание Вест.
Спотот на „домаќинката“ на доделувањето, Лејди Гага - Born This Way, е награден за најдобар женски спот и најдобар спот со порака, U Smile на Џастин Бибер е најдобар спот во машка категорија, Ники Минаж и Super Bass за хипхоп, а Бритни Спирс и Till The World Ends за најдобро поп видео.
ВО категорија за кореографија очекувано победи Бијонсе со Run The World (Girls), најдобар рок спот е Walk на Foo Fighters, додека Адел доби награди за монтажи, сценографија и камера за Rolling In The Deep.
Лејди Гага го отвори доделувањето „заедно“ со своето алтер-его и ја испеа Yoü and I, а нешто подоцна се обиде да ја бакне Бритни на бината, како што своевремено направи и Мадона. Меѓутоа, пејачката и избега.
Додека Џеј Зи и Кание Вест настапуваа, непозната личност се обиде да се качи на бината, но обезбедувањето веднаш ја одвлече. Адел ја пееше Someone Like You, Крис Браун висеше од плафонот, а комичарот Расел Бренд го предводеше оддавањето почит кон Ејми Вајнхаус.
Сепак, најголемото изненадување на вечерта го приреди Бијонсе, а повеќе за тоа прочитајте овде.
