Селма Хајек, Кејт Винслет и Рејчел Вајс се припаднички на „антисиликонското друштво“ на Холивуд...

Овие три актерки за својот изглед можат да и се заблагодарат на генетиката и добрата грижа за себе, а ниту една од нив не сака да се подложи на холивудските стандарди за убавина.

„Се разбира дека ќе се борам да изгледам што подобро и што подолго, но сум против естетската хирургија. Како жена, можам повторно и повторно да откривам нови слоеви од својата убавина, и не се плашам од стареење. Вистина е дека градите не ми изгледаат како пред 10 години, но и понатаму сум убава и задоволна“, рече Хајек (44) за Elle.

Кејт Винслет (35) уште поостро го осудува одењето „под нож“: „Мојот морал, растење и воспитување ме прават голем противник на пласитчната хирургија“, рече актерката која официјално се жалеше кога премногу ја „испеглале“ на Photoshop за насловната страница на списанието GQ.

„Актерите живеат од своето лице, и на што личи кога тоа ќе се замрзне со ботокс и не може да го промени изразот?“, рече Кејт.

Рејчел Вајс, односно сопругата на Џејмс Бонд, се согласува со нив: „Некој кој на вештачки начин успеал од себе да направи привидно совршенство, според мене едноставно не изгледа убаво“, рече таа.