Магазинот "Холивуд Лајф" пишува дека понежните половини на холивудските двојки "го носат лебот во куќата"...

Повеќе од своите мажи или вереници заработуваат Анџелина Џоли, Ким Кардашијан, Кети Пери и Жизел Бундчен.

Анџелина Џоли минатата година благодарение на филмовите "Солт" и "Турист" заработила 30 милиони, додека Бред Пит "само" 20 милиони долари.

Ким Кардашијан во изминатата година заработи шест милиони долари, речиси двојно повеќе од нејзиниот свршеник Крис Хумперс, кошаркарот на Њу Џерси Нетс (3.2 милиони долари).

Ситуацијата е иста со музичко-актерскиот пар Кети Пери и Расел Бренд. Пејачката минатата година заработила 44 милиони долари од продажба на албуми, шест пати повеќе од сопругот Расел Бренд. Магазинот Форбс неговото богатство го проценува на шест и пол милиони долари.

Кoга станува збор за Жизел Бундчен и Том Бејди, работата е јасна. Жизел е со години најплатена манекенка на светот - само минатата година заработила 45 милиони долари, додека Том Бејди "на маса ставил" само 31 милиони долари.

Последниот познат пар во кој жената "заработува за живот" се Кевин Бејкон и неговата сопруга Кира Сеџвик. Кира заработува 275 илјади долари по епизода од серијата "The Closer", додека Кевин седи дома и ги чува децата.