Контроверзната Лејди Гага наводно преговара за улогата во филмската биографија на трагично починатата колешка...

Лејди Гага и нејзините менаџери се во преговори со неколку филмски студија за улогата во која поп ѕвездата би се лансирала во светот на филмот.

„Гага има вистински став на ѕвезда, како и гласовни способности. Иако не успеа да ја запознае Ејми, и се восхитуваше и многу е заинтересирана за улогата“, рече извор близок на пејачката.

Изворот додаде и дека, поради одредени физички сличности, менаџментот и порано се занимавал со идеја за филм во кој Гага ќе ја глуми Вајнхаус на големото платно.

Пејачката засега не ги демантираше гласините, но сепак не ни потврди дека во филмот ќе ја глуми Ејми Вајнхаус, која почина пред неколку недели, се уште под неразјаснети околности.