Aмериканскиот актер Леонардо Дикаприо и Џони Деп се најдобро платените холивудски актери бидејќи за најновите филмови оствариле најголема заработувачка во оваа година...

Магазинот Форбс составил листа исклучиво на основа на остварена заработувачка со продажбата на кино билети, а Леонардо е на самиот врв на листата, бидејќи од мај 2010 година до мај 2011 година заработил 77 милиони долари благодарение на филмовите "Затворен остров" на Мартин Скорсизи и "Почеток" на Кристофер Нолан.

Филмовите во кино благајните оствариле вкупна заработка од околу 1 милијарди долари. Приходите на Џони Деп, кој по четврти пат ја толкувал улогата на капетанот Џек Спароу во серијалот "пиратите од карибите", се проценуваат на околу 50 милиони долари.

Комичарот Адам Сендлер го зазел третото место со заработка од 40 милиони долари пред Вил Смит со 36 милиони и Том Хенкс со 35 милиони долари.

"Податоците за заработката на актерите се засновени на информации добиени од агентите, адвокатите и други релевантни извори од филмската индустрија", навеле од Форбс.