Ким Кардашијан се одлучи - ќе се венча во креација на Vera Wang...

Ким Кардашијан ќе стане госпоѓа Хамфрис на 20 август, а бидејќи датумот опасно се приближува, секој ден излегуваат информации за венчавката на овој пар. Откако Ким го објави самиот датум на свадбата и ги испрати поканите на гостите, на ред дојде и одлуката за дизајнерот на невестинскиот фустан. Бујната госпоѓица Кардашијан не размислуваше премногу, и одлучено е да се венча во креација на Vera Wang, омилената американска дизајнерка кога станува збор за невестински фустани.

Освен тоа што е омилена меѓу американските славни личности, Vera Wang е долгогодишна пријателка на семејството Кардашијан, па денеска на медиумите им откри дека е пресреќна што токму таа ќе работи на фустанот за Ким. „Ким и јас често разговаравме за нејзиниот идеален невестински фустан, а како голема пријателка на целото семејство, можам да кажам дека сум пресреќна и дека му ја посакувам на верениот пар цела среќа на светот“, изјави Vera.