Контроверзната и несекојдневна пејачка планира да заплива во филмските води...

Лејди Гага планира да се фрли на создавање на филмска кариера, известуваат американските медиуми. Ексцентричката пејачка порано изјави дека обожава филмови и дека би сакала да проба да глуми, а се чини дека времето да го стори тоа е се поблиску затоа што наскоро завршува нејзината светска турнеја.

„Таа го обожава филмоти и мисли дека тоа е следниот чекор кој треба да го направи. Веќе ја затрупаа со разни сценарија, а таа ќе ја замоли мајка и да и помогне да избере некој добар филм. Важно и е првиот филм кој ќе го направи да биде квалитетен, затоа што тоа ќе и го одреди патот за понатаму. Откако ќе ја заврши работата околу албумот кој планира да го извади околу Божиќ, ќе му се посвети на филмот“, рече еден извор.