Рики Мартин и Ники Минаж беа одбрани како новите лица на карминот Viva Glam од козметичкиот бренд MAC...
И двајцата се подготвуваат да пуштат свои сопствени кармини - Viva Glam Ricky и Viva Glam Nicky. Сите приходи од продажбата на козметичките производи ќе бидат насочени кон борбата против ХИВ и СИДА.
Поп-ѕвездите ја превземат улогата на заштитни лица на кампањата од сегашната претставничка - Лејди Гага. Тие ќе бидат фотографирани за кампањата во Мајами од модниот фотограф Дејвид Лашапел. Засега не е јасно дали Рики ќе носи кармин за време на фотографирањето.
Ники порано работела со MAC за нивниот кармин "Pink 4 Friday", кое е и името на деби албумот на пејачката "Pink Friday". Албумот беше претставен минатата година. Овој производ се покажа многу успешен и во моментов се продава за 88 долари на големите сајтови за продажба на интернет како eBay.
