Групата Take That го откажала концертот во Копенхаген бидејќи Роби се отрул со храна, па мора најмалку три дена да мирува...

Пејачот во петокот навечер јадел јастог кој бил расипан, па завршил на инфузија, а групата одлучила да не настапува додека Роби не се опорави. Меѓутоа, локалните медиуми веднаш објавиле дека Роби повторно ја напушта групата.

За да стави крај на трачевите Роби на својот блог објавил фотка и им се заблагодарил на фановите за поддршката и рекол дека се чувствува подобро.

"Жал ми е што моравме да го откажеме концертот, но се ќе надоместиме на некој нареден концерт. Се чувствувам подобро и верувам дека ќе се видиме во понеделник навечер во Амстердам", им порачил Роби на фанови.

Групата соопштила дека ова е првиот концерт во историјата на бендот кој морале да го откажат.

Иако се на турнеја. Take That неуморно работат на промоција на албумот Progress, а минатата недела тие го издадоа четвртиот сингл.