Вилијам Леви, актер и модел познат како „кубанскиот Бред Пит“, ги порекна гласините дека тој е причината поради која се разведоа Џенифер Лопез и Марк Ентони...

Откако објавија дека се разведуваат, почна да се шушка за тоа што се случило и кој се вмешил. Медиумите како една од причините за разводот го наведоа младиот и згоден кубанец, Вилијам Леви, познат по улоги во сапуници.

Тој глумеше со Џенифер Лопез во нејзиниот нов спот за песната I'm Into You. Бидејќи и Леви неодамна се остави со својата сопруга, почнаа гласини дека токму тој е новиот дечко на Џенифер Лопез.

Неговиот портпарол ги порекна сите наводи за љубовната врска меѓу него и славната пејачка.

„Единствената врска која постоеше меѓу нив беше онаа од бизнис природа. Тоа е се што некогаш имало помеѓу нив“, рече портпаролот.