Мајката на првото девојче во семејството Бекам е пресреќна од нејзината новородена ќеркичка...

Викторија Бекам е толку воодушевена со својата новородена ќерка што на Twitter напиша дека се заљубила во неа. „Бебето Харпер е најубавото девојче кое некогаш сум го видела. Повторно се заљубив“, напиша сопругата на Дејвид Бекам на својот профил. Нејзините тројца синови, 12 годишниот Бруклин, 8 годишниот Ромео и 6 годишниот Круз исто така се пресреќни што добиле сестричка. „Сите сме многу благословени, а момците многу ја сакаат својата сестричка“, напишала Викторија.

Малата Харпер Севен родена е пред неколку дена во болницата Cedars-Sinai во Лос Анџелес. Дејвид тогаш наводно ги однел своите три синови на вечера и во кругот на семејството го прославил раѓањето на своето четврто дете. „Нејзините браќа се пресреќни што имаат помала сестричка“, напиша фудбалерот на својот Facebook профил. Славниот пар одлучил името на девојчето да му го дадат според лик од цртаните филмови и среќниот број седум.