Роднините на 89-годишниот починат доктор биле изненадени од тоа што го пронашле во гаражата која им била доделена во тестаментот. Внукот и внуката кои ја наследиле гаражата и се она што е во неа, останале подзинати кога забележале дека во гаражата се наоѓа еден од 17-те автомобили во светот, Bugatti 57S Atlante, произведен во 1937 година. Експертите веруваат дека реткиот автомобил на аукцијата која ќе се одржи следниот месец би можел да достигне цена до 6 милиони фунти. Внуците на ексцентричниот доктор Harold Carr, во гаражата пронашле и Aston Martin и Jaguar E-класа. „Немавме претстава какви автомобили чуваше во гаражата. Знаевме дека има автомобили но немавме никаква идеја за што станува збор“- изјавија блиски роднини на докторот.