Силна бура предизвика пожар на една од најпознатите светски атракции кулата Oriental Pearl во Шангај, објавија светските медиуми.

Огнот избил откако удрило гром во антената на телевизијската кула со височина од 468 метри, а за задушување на огнот било потребно повеќе од еден час.

Полицијата тврди дека не се нанесени големи штети на зградата, што се однесува до комуникациите, тоа допрва ќе се пресметува.

Кулата се наоѓа во бизнис центарот на Шангај и е меѓу неговите главни атракции со што привлекува многу туристи.