Генералниот секретар на ОН, Бан Ки-Мун го прогласи Аралското езеро за едно од најшокантните еколошки катастрофи во светот...

Бан Ки-Мун бил во посета на Аралското езеро, некогаш четвртото најголемо езеро во светот. "На брегот не видов ништо, само потонати бродови. Тоа очигледно е едно од најголемите еколошки катастрофи во светот. Бев шокиран", рекол Бан Ки-Мун на патувањето во Узбекистан и Казахстан, пренесува Би Би Си. Узбекистанскиот лидер се пожалил дека проектите поврзани со браната во Таџикистан, сериозно го намалуваат количеството на вода која тече во Узбекистан.

Бидејќи езерото е драстично намалено од 1960-тите години, уништена е риболовната индустрија. Постојат извештаи дека езерото од тогаш се намалило за 90% кога реките Аму Дарја и Сир Дарја кои го хранеле, станале дел од мелорацискиот проект на Советскиот сојуз. До 2007 година езерото се претворило во три помали одвоени езерца, од кои двете се премногу заситени со сол, за да во нив живеат риби.