Судот во Дубаи осуди маж и жена со индијско потекло на три месеци затвор, кои разменувале пораки од сексуален карактер.

Двојката била обвинета за кршење на законите на Обединетите Арапски Емирати (ОАЕ), со планови за блиски контакти без да се во брак. Индијците имале дозвола да живеат во ОАЕ и да работат во локална компанија.

Љубовните пораки пред судот биле презентирани од сопругот на обвинетата, кој одбил да се разведе со неа. Првично судот изрекол поголема казна од 6 месеци затвор и депортација од ОАЕ. Покасно судот ја намалил казната на 3 месеци затвор поради недостаток на докази дека двојката имала сексуални контакти.

Минатата недела во Дубаи 25-годишна британка беше осудена на 1 месец затвор која го бакнала својот партнер во ресторан. Момчето исто така било казнето поради прекршок основан на законот за забрана на покажување чувства на општествени места.