Британските тинеjџери, кои не можат да се одделат од компјутерите, интернет игрите и мобилните телефони ќе можат да се лекуваат со најновата услуга.

Приватна болница во Лондон го започна првото од ваков вид лекување на зависност од технологијата, синдром, карактеристичен за многу тинеjџери. Лекувањето се нуди во интензивна форма, вклучувајќи секојдневни грижи или групна терапија за деца, кои поголем дел од времето го минуваат пред екраните.

"Некои родители се принудени да ѕвонат на полицијата", рече еден од докторите во новата клиника. За време на лечењето тинеjџерите ќе бидат принудени да се исклучат од технологијата и да комуницираат со луѓето лице во лице, а не он-лајн.

Истражувањата покажале дека возрасните кои поминуваат премногу време пред компјутер страдаат од физички и психички заболувања, а кај младите луѓе се јавува намалена концентрација и засилено чувство на депресија.

Специјалистите се надеваат дека со услугата ќе се посвети доволно внимание на основните причини за оваа зависност и децата "манијаци" повторно ќе бидат тинеjџери.