Австриски хотелиер преживеал четири дена во лифтот на сопствената зграда во регионот на Салцбург. Вештините стекнати во курсевите за опстанок на шведската армија, му помогнале да издржи, соопшти полицијата во петокот...

Негов пријател, кој доставувал леб кренал тревога во спасувачката служба, откако се посомневал дека се случило нешто лошо поради поштата, која се натрупувала неприбрана пред хотелот, кој се наоѓа во рурална област во Бад Гештејн, близу Салцбург.

Телефонот на 58-годишниот сопственик - заробеникот во лифт - не бил кај мажот. Тој го оставил на масата, пред да се качи во кабината. Хотелот бил затворен за клиенти за време на инцидентот. Очајните викотници за помош заглавиле неслушнати во лифтот и неговите обиди да се извлече од кабината останале безуспешни.

Цело време хотелиерот, кој е од шведски потекло, бил во добра кондиција и добро се држел, соопшти полицијата. Тој споделил дека вештините стекнати во курс за опстанок, организиран од шведската армија му помогнале да издржи.