Илјада Парижани се собраа за прв пат да го слушнат звукот на деветте нови, огромни ѕвона на култната француска катедрала Нотр Дам.

Новите ѕвона, од кои најголемото е тешко 6.5 тона, порачени се за 850 годишнината од почетокот на градењето на црквата за да заменат четири стари ѕвона, направени во 19 век.

Ѕвоната вчера за прв пат ѕвонеа од кога се наместени во катедралата кон крајот на јануари. Тие се придружени на најстарото ѕвоно на црквата, наречено Емануел, за да се врати хармионијата од 10 ѕвона, предвидени за ѕвонарите на Нотр Дам.

„Беше тоа возбудлив момент, убав звук кој нема да го заборавиме затоа што тие ѕвона ќе останат со векови, а ние бевме овде денес“, рече набљудувачот Жан-Клод Бланшард.