Службениците на царината во поштата во Нови Сад пронашле во писмата, во повеќе случаи за време на март и април, поголема количина семки канабис кои биле наменети за примачи во Србија.

Во соопштението од управата на царината се наведува дека во пратката која на 29 март стигнала од Белгија е пронајдена епрувета со пет семки канабис, додека неколку дена подоцна во пратка од Словенија за примач во Суботица во две честитки се пронајдени по десет семки канабис.

„Наредниот ден во пратка од Канада, која беше наменета за примач во Сенти, пронајдени се две ќесиња со 40 семки канабис, додека на 17 април во пратка од Чешка, наменета за примач од Змајево, пронајдени се десет семки канабис“ се наведува во соопштението.

Наредниот ден во пратка од Велика Британија упатена во Ковиљ се пронајдени пет семки канабис, додека во писмо од Белгија за примач во Ечка се пронајдени две епрувети со 25 семки од таа дрога.

Сите пратки се предадени во понатамошна надлежност на истражните органи.