Научникот кој помогна за искоренувањето на сипаницата, предвиде дека човековата цивилизација ќе исчезне од лицето на Земјата во следните 100 години.

Според Франк Фенер, почесен професор по микробиологија во Австралискиот Национален Универзитет, човековата цивилизација нема да успее да се справи со демографската експлозија и неконтролираното консумирање.

Пред австралиското списание "The Australian", Фенер рече дека, "Хомосапиенсите, најверојатно, ќе исчезнат во следните 100 години, како и многу други животни".

"Ова е неповратен ефект. Мислам дека е предоцна. Се обидов да не го искажам моето мислење за ова прашање, бидејќи многу луѓе се обидуваат да променат некои работи, но тоа не е доволно", додаде австралискиот професор.

Според неговите зборови, откако луѓето невлегле во научниот период "Антропосин" - од почетокот на индустријализацијата до денес, наштетиле на планетата толку, колку што би наштетила една ледена доба.

95-годишниот професор Фенер е автор на 22 книги и е добитник на награди за придонес во искоренувањето на сипаницата. Откритието на австралискиот научник и до ден денешен се признава за можеби најзначајното достигнување на Светската здравствена организација.